INTENESENEL pilaia bilong Belgium Romelu Lukaku i bin kam bek long klap em bin sapotim taim em liklik pikinini long namba tu salens bihain long muv i go Everton, Manchester United na Inter Milan, husat ol Blues i bin peim wantaim £97.5m.

Dispela fi i bin mekim Lukaku husat i gat 28 krismas na namba tu ekspensiv pilaia bilong olgeta taim long Primia Lig bihain long Jack Grealish pilaia bilong Manchester City husat i save kisim dispela pe £100m. Long salensim Arsenal em bin amamas, long soim fom olsem em i ken bildim gen talen bilong em long Italy we em bin skorim 64 gol long 95 gem bilong em na helpim Inter Milan long kisim namba wan taitel bihain long joinim Manchester United. Lukaku i bin pilai gutpela gem long 14 minit wantaim namba tri gem bilong em na bin selebretim long putim pinga bilong em long maus.

Namel long olgeta em i bin pinisim 19 bilong ol 20 pas bilong em long salensim Gunners na pilaia 15 gem, moa long ol arapela pilaia. Naispela stat bilong Lukaku bos Tuchel i bin tokim BBC Redio 5 Live. “Long stat mi bin hatwok long tasim bal liklik. Na em bin bungim olgeta wantaim. “Em i bin pruvim veliu bilong em long skwat pinis. Em bin bung gut wantaim Mason Mount na Kai Havertz na givim samting long gem we mipela i no bin gat pinis.” Long askim pefomens bilong  em, Lukaku i bin tokim Sky Sports: “Long kamap mein pilaia, Mi laik tok. Mi traim long impruv olgeta taim. Mi i gat longpela rot long go tasol nau em gutpela long win. “Mi bin wok hat tru long dispela wik. Mi bin save em bikpela gem na mi mekim gut. Olsem wan wan pilaia, mi laik long helpim ol tim na mi laik long go het long mekim olsem.”