OLPELA ragbi sta pilaia bilong Australia Toutai Kefu i bin kisim bikpela bagarap wantaim tripela famili memba bilong em long Brisbane haus bilong ol.

Dispela olpela Ragbi Wol Kap wina na nau Tinga kosa i bin go long haus sik wantaim bikpela bagarap bihain long ol i bin sutim em long bel , atoriti i bin tok. Polis i tok ol famili i bin kisim long Mande moning stret long painim aut long ol kriminal traim long stilim kar bilong ol. Na saspek i bin holim tamiok na naip. Ol i bin holim na sasim dispela saspek husat i gat 15 krismas long kilim man wantaim naip. Ol polis bilong Kwinslan i tok ol bin kalabusim narapela man tu i gat wankain krismas na nau ol painim namba tri saspek. “Eks-Wallabies sta Kefu husat i gat 47 krismas i pilim orait long haus sik bihain long go long operesen,” Ditektiv Suprintenden Tony Tony  Fleming i bin tok.

Supt Fleming i tok meri bilong Kefu husat i gat 46 krismas i kisim bikpela bagarap long han bilong em bai tek taim long pinis. Long ripot bilong Australia midia i bin tokaut long tupela marit wantaim pikinini man bilong tupela husat i gat 21 krismas i  bin kisim wankain bagarap long han, na pikinini meri i gat 18 krismas bin kisim kat long han bilong em. Kefu i bin pilai 60 test long ol Wallabies namel long 1997 na 2003. Em i bin stat kamap kosa bilong ol Tonga nesenel tim long 2016. “Yu bin kisim dispela bikpela driman. Mipela olgeta Wallabies memba tok sori na gud lak long yu wantaim Kefu famili,” tweet bilong ol Wallabies long Mande i tok. Ol All Blacks i bin raitim: “Tingting bilong mipela i stap wantaim Toutai Kefu na famili bilong em long dispela taim. Strongpela man long fil na lida, mipela i no lusim yu.