LAURA Muir bilong Great Britain i bin tok em bin redi moa bihain long go antap long Tokyo 2021 1500m long kisim namba wan Olimpik medol.

Muir i bin pinis foa minit 3.89 seken na kam namba tu. Sikispela etlits bilong wan wan heat go insait long semi-fainel. Sempian bilong wol 1500m, Sifan Hassan i bin pundaun wantaim tasol em i kirap ran na winim heat bilong em long 4:05:17. Katie Snowden bilong Great Britain i bin kwalifai long namba sikis long heat bilong em long 4:02.77 tasol Revee Walcott-Nolan bin kam namba 7 long mis aut. Walcott-Nolan pinis long 4:06.23 tasol i bin putim em long namba 7 long ples bilong ol lusa, wantaim ol arapela sikispela etlits. Olimpik sempian Faith Kipyegon bilong Kenya i bin pinis long hariap taim wantaim 4:01.40. Maski Muir em meja medol bilong Great Britain long dispela bung, na i les long resis long 800, Tokyo kempen bilong em bin stat taim em bin kam baksait long Gabriela DebuesStafford bilong Canada.

“Dispela em nais long pinisim namba wan ran na pilim orait,” Muir husat i bin pinis namba 7 long Rio 2016 na namba 5 long 2019 Wol

Sempiansip, i tok. “Mi redi moa na impruv planti long sampela eria bilong resis olsem na mi yet ken helpim mi yet.”