OL NRL bai bungim gen ol pilaia wantaim famili bilong ol long Trinde wantaim Kwinslan Gavman agrimen aplikesen bilong muvim ol lig muv go long Sunshine Stet.

Moa long 500 famili memba bai trevol go long Surfers Paradise long bung gen wantaim ol patna bilong ol bihain long Ragbi Lig Sentral i givim wan wan ol aplikesen long go insait long stet.

Ol famili i redi long pilai go long Kwinslan las wik Sarere long statim 14-de aisolesen taim, tasol ol plen i bin wetim disisen bihain long Kwinslan gavman bin askim moa infomesen long ol NRL COVID-19 seif plen.

 Bihain long go kam namel long lig HQ na ol stet gavman, CEO bilong NRL Andrew Abdo i bin tokaut long gutpela aplikesen leta bilong ol pilaia, opisal na famili long Mande nait.

Abdo i tok tenkyu long ol NRL pilaia wantaim famili bilong ol long las de.

“Mi amamas long toksave olsem, mipela bai bungim gen yu wantaim ol famili bilong yu long Kwinslan klostu taim. Ol Kwinslan Gavman i bin tok orait long aplikesen bilong mipela long salim ol famili beis long Sydney go long Gold Coast.

“Balus trevol taim bilong ol bai lusim Sydney long Trinde. Mipela bai kontek wantaim ol tumora long ol trevol plen na taim bilong balus.

“Taim ol kamap pinis long Gold Coast, ol bai stap 14-de long kwarentin long NRL-menes Famili Hub long Surfers Paradise pastaim long bungim ol patna long klap hotel. Planti bilong ol famili bai fri long muv raun long risot na yusim ol fasiliti taim ol stap long kwarentin.