Coco Gauff i gat 17 krismas bai no inap pilai long Tokyo 2020 Gem bihain long em bin tes positiv long COVID-19.

Tim USA tenis sta Coco Gauff i bin tok aut long Tokyo 2020 (long 2021) bihain long em bin tes positiv long COVID-19.

Dispela 17 krismas meri  i bin tokaut long bel hevi bilong em long sosel midia, na tok gud lak long ol Yunaitet Stet tim meit taim ol i redi long tek pat long dispela spot so keis.

Gauff husat i yangpela pilaia namel long ol Meri Tenis Asosiasen top 100, i bin stap long kos long kamap namba tu yangepla tenis pilaia bilong Yunaitet Stet long resis long Olimpik Gems.

Em bin pilai namba wan Grand Slam bilong em long kwata-fainel long dispela yia French Open taim em bin autim namba 25 seed Ons Jabeur long stret setim long namba foa raun mets bilong ol.

“Mi no amamas long serim dispela nius olsem mi tes positiv long COVID na no inap pilai long Olimpik Gems long Tokyo,” Gauff i bin raitim. “Dispela bin driman bilong mi long makim USA long Olimpik, na mi bilip olsem planti sans stap bihain taim bilong mi long makim USA gen.”

Dispela bikpela nius i bin mekim ol USA Tenis Asosiasen husat i tok long stetmen long Sande: “Olgeta USA Tenis Olimpik pilaia i sori long Coco na tok gud lak long taim em go wantaim COVID-19 tritmen na ol i bilip long lukim em gen long tenis fil.