INGLAN i gat spesel sans long mekim kantri amamas taim ol bungim Denmark long Euro 2020 semi-fainel long Trinde, menesa bilong ol Gareth Southgate i tok.

Kwata fainel win 4-0 wantaim Ukraine long Rome long Sarere i bin salim Southgate go sait long las foapela awa.

Ol i go bek nau long Wembley long semi fainel resis long man Euros 25 yia i go pinis.

“Ol gem bilong Inglan i save bringim ol famili na komyuniti wantaim,” Southgate i tok.

Southgate i tokim BBC Spot edita Dan Roan olsem, “Dispela sans long bringim amamas na kamapim naispela nait bilong ol sapota na nesen bilong ol em i spesel wan olsem yu gat taim yu pilai wantaim Inglan.

“I gat ol gem olsem yu tingim taim yu na sampela bilong ol naispela toktok yu kisim long ol pipel i amamas long ol pilaia i bin pilim olsem ol i ken bung wantaim na amamas long dispela,” em i tok.

Long amamas bilong Inglan long Trinde nait i bin lukim olsem ol go pinis long fainel bilong meja tonamen long namba wan taim bihain long winim 1966 Wol Kap kam inap nau.

Taim ol bin askim wanem samting bai mekim em long go long fainel, Southgate i tok: “Dispela em astingting bilong kantri.

“Sapos yu em kosa em bai yu kamap olsem papamama wantaim long taim yu givim na trening wanem samting long ol pilaia.”