Senta bilong Blues Latrell Mitchell i bin kisim liklik taim long bek apim pefomens bilong em long opim siris wantaim supasta trai long namba wan hap bilong Stet ov Orijon gem 2 long las wik.

Mitchell husat i bin skoim tupela trai na helpim tupela long Gem 1 i bin kik gut long statim ol Blues wantaim 18-0 long namba wan hap bilong gem.

Taim em bin kam ap wantaim nok-on long opim sampela minit, Mitchell bekim wantaim wan-on-wan strip ov Maroons winga Kyle Feldt bihain long sekens tasol na trai i kamap taim Josh Addor-Carr i bin kros ova long kona.

Ino longpela taim Mitchell pikim kat-aut pas bilong Valentine Holmes na ranawe long 80-mita long 27 minit mak. Dispela ran i bin bringim sta senta go antap long 128 ran mita trai wantaim faiv takol insait long namba wan 27 minit.

Namba wan trai wan-on-wan rek. Dispela taim em intasep bilong Latrell Mitchell.

 “Yu ken tok long visen bilong atek tasol tu visen bilong difens. Latrell lukim ol pilai kisim klia.

Long namba wan bilong gem, kosa bilong Blues Brad Fittler i bin joinim ol komentri tim na i wanbel taim em lukim pefomens bilong Mitchell.

“Latrell i bin kam antap wantaim tripela bikpela pilaia em bin kisim intasep, em pulim bal pastaim na pusim Holmes go insait long gol,” Fitller i tok.