OLPELA Presiden bilong Collingwood, Eddie McGuire i tok em i no tingim bek ol gutpela kosa plen bilong klap we i bin bagarapim rilesensip namel long Nathan Buckley na Mick Manthouse.

McGuire i bin stap strong taim em, Buckley na Mathouse i bin wanbel long faiv-yia plen namel long 2009, long Mathouse i stap olsem sinia kosa long tupela moa sisen.

Malthouse i bin inap long givim dispela wok long Buckley long pinis bilong 2011 pastaim long em kamap Dairekta bilong kosa bilong Collingwood long 2012, tasol i bin lusim klap na joinim Carlton.

Long dispela as na Buckley nau i bin tokaut olsem em i birua long ai bilong Maltouse. McGuire i bin difendim disisen long taim Buckley i bin tokaut olsem em bin step daun olsem kosa bilong Collingwood.

“Mipela i laik bringim Nathan Buckley go insait bikos mipela olgeta i bin bilip, wantaim Mick Malthouse, olsem em bai kam insait,” em i bin tokim Nine’s Footy Classified.

“Mipela i laik kisim em long klap tasol i gat sampela toktok long yangpela kosa bikos em bin gat tim long stretim gen o lusim.”

 “Mipela i bin tingim long mekim long 2009, i no bin pinis tasol dispela i bin rait disisen long tupela sait wanaim.

Ol toktok bilong McGuire bihainim Malthouse yet long tingim olsem Buckley bin fosim em aut long klap long pinis bilong 2011, taim ol klap bin mekim gren fainel.

“Dispela tingting bilong gat dairekta bilong ol kosa, tasol em no bin laikim mi stap insait long bokis na ausait long bens tu na toktok long ol kosa bilong em,” em bin tokim  AFL Media long 2019.

“Olsem na hat stret long kamap dairekta bilong kosa sapos yu no inap toktok wantaim ol kosa. Mi ting olsem sapos em i laikim dispela rot - dispela em brukim agrimen mipela bin wokim – mi rispektim kosa na wanem samting em i laik wokim.

“Yu i no laikim mipela long toktok na sapotim klap long wanpela samting, olsem na mi mas lusim klap.”