Ol i bin votim bos bilong Manchester City Pep Guardiola long kamap Menesa bilong Lig Asosiasen bilong dispela yia.

Dispela Bos man bilong Spain i bin kisim ol City go antap long namba tri Primia Lig taitel insait long foapela yia.
Dispela klap tu i bin winim dispela sisen bilong Carabao Kap na bungim Chelsea long Sempian Lig fainel long Sarere.
Ol arapela menesa bilong klap em Leeds Menesa Marcelo Bielsa, Norwich City Daniel Fark, Chelsea Wimen Emma Hayes, David
Moyes bilong West Ham na Leicester Brendan Rodgers.
“Mi amamas long winim dispela LMA menesa bilong dispela yia awot long namba tut aim,” Guardiola husat i bin win long taim long 2017
-18.
“Dispela em spesel tropi long win bikos ol wan wok menesa bilong mi bin votim mi. Dispela awot olsem em laki sapos wanpela menesa
em i gat ol hai profesenel profail.
“Ol pilaia bilong mi i wokim gut long komitim ol na profesenel sait na i no les maski long dispela sisen mipela bin bungim planti salens.”
Em i tok.”
“Na ol wok manmeri bilong mi tu i kisim bikpela prais. Mi laki long gat tim bilong pipel husat givim olgeta samting ol i gat olgeta de long
mekim Manchester City i kamap namba wan.”
“Dispela awot em ol givim na serim namel long ol yet.”
Hayes em namba wan menesa bilong ol meri gem long kisim nem namel long ol top sikis menesa bilong LMA menesa bilong dispela
awot.
Em i bin kisim krawn bilong FA Wimen Lig menesa bilong dispela yia bihain long lukautim Chelsea long lig taitel na dispela Sempian Lig
fainel.
Fark, Hull City Grant McCann, Cheltenham Town bos Michael Duff na Leicester Wimen Jonathan Morgan tu ol i bin votim olsem
menesa bilong dispela yia long wan wan lig tim bilong ol.
Steven Gerrad i bin kisim spesel LMA awot bihain long Rangers sait bilong em i bin win tasol long olgeta Scottish Primiasip sisen.