Papua Niugini Ragbi Futbal Lig (PNGRFL) i tok ol i amamas tru olsem Oil Search PNG Orchids
Women's Rugby tim i redi long sanap makim kantri long Rugby League World Cup kempen long
Inglan long dispela yia.

Siaman bilong PNGRFL, Sandis Tsaka, i tok maski ol i bin statim PNG Orchids wimens ragbi long 2017,
ol meri i bin wok strong tru na nau ol i kamap olsem namba foa long wol.
Wanpela bikpela samting wimens ragbi i save mekim em long sapotim ol wok bilong daunim pasin
bilong paitim na bagarapim ol meri long Papua Niugini.
Mista Tsaka i tok tu olsem wimens ragbi nau i wok long pulim planti sapot tru long kantri we ragbi lig
i stap olsem nesenel gem.