Valentine Holmes nid long bekapim ran long gem bilong em yet wantaim ol North Kwinslan sta na yusim strong bilong em yet long joinim ol elit fulbek insait long NRL.

Holmes nid long pait strong long werim Namba 1 jesi long Cowboys bihain long nupela kosa Todd Payten makim em long statim dispela sisen wantaim Scott Drinkwater long fulbek na senis long pilai winga bilong Kwinslan Orijon we em i bin bildim ragbi wok na win las yia long Maroons.

Holmes i gat 25 krismas na olpela pilaia bilong Sharks primiasip wina i bin stat long hitim top fom long ol las wik, trai bilong em i helpim tim long win wantaim sikis takol, 191 mita na brukim lain long taim ol bin lus long Sydney Roosters long Sarere.

Holmes i bin putim faivpela trai long helpim dispela sisen tasol em nid long lainim ran hariap long kamap bikpela ateking pilaia.

“Mi ting mi nid long bekim moa ran long gem bilong mi,” Holmes i bin tokim NRL.com.

“Mi save lukim liklik muv bilong Billy Slater na nau mi lukim wanem olgeta i wokim, olsem Teddy (James Tedesco) na (Ryan) Papenhuyzen.

“Olgeta i gat gutpela strong tasol mi i no traim long bihainim wanem ol mekim. Mi traim long lukluk long wanem mi save na mi ken mekim gut.”

“Mi ting Holmes i kamap gutpela long olgeta wik,” Payten i tok.

“Long dispela ranim gem bai soim piksa bilong em i kamap gutpela. Em i lainim wankain ol fisikal muvmen bilong ol arapela fulbek tasol em i gat moa wok.

“Scotty i gro insait long wok. Em bin pilai planti long fulbek na em olsem X-fekta long mipela.