OL Gold Coast SUNS i bin amamas long tokaut long promosen bilong Intenesenel Skolasip
holda Hewago “Ace” Paul Oea long klap Rookie Lista bilong 2021 sisen.

Ace i gat 19 krismas na em i gat talen bilong futbal na em bilong Galp na Sentral Provins
bilong Papua Niugini.
 
“Ace i bin soim talen bilong em insait long klap taim em i bin gat 16 krismas na mipela i
amamas long lukim em i go insait long klap lista” Futbal Operesen bilong SUNS GM- Jon
Haines i bin tok.
 
“Em wanpela strongpela yangpela man wantaim autstending talen husat i save laik long
lainim na wok hat long en. Divelopmen bilong Ace i bin givim bikpela ansa long famili
bilong em, AFL PNG na em yet tu.
 
“Ace i bin mekim strongpela disisen long lusim ol famili bilong em long PNG na bihainim
driman bilong em na go het long dispela Gold Coast SUNS skolasip na givim em yet long
dispela sans.
Ace i bin daunim planti salens long kisim dispela sans em i gat nau na mipela i mas amamas
moa long em na famili bilong em.”
 
“AFL PNG i bin tok tenkyu long gutpela sapot bilong Gold Coast Suns na AFL QLD i bin
putim rot bilong Ace, wantaim famili bilong em long PNG wantaim welfare, na ol Searl
famili husat i save sanap baksait na sapot em.
  Ace bai joinim ol SUNS tim meit bilong em long taim bilong pri-sisen trening we bai stat
long Disemba 7.