Polis na ami long Nesenel Kapital Distrik i statim spesel operesen long was long siti long dispela we Vot i no gat bilip (VONC) i laik kamap.

PUTIM WAS: Ol polis i kamapim spesel operesen long Mosbi long taim bilong VONC.

Lina Keapu i raitim

POLIS na ami long Mosbi i statim Spesel Operesen long Mande long soim strong bilong nesenel sekyuirit long vot i no gat bilip (VONC) long Palamen.

 Polis na Ami i statim dispela sepesel wok i go inap ol i pinisim tupela wik bung bilong Palamen.

Moa long 70 polis na ami kar i ran long rot long Mande apinun long soim ol manmeri long siti olsem ol i redi long lukautim siti long taim bilong vot no gat bilip.

Polis i toksave long ol manmeri long stap isi na no ken tingting long kamapim hevo bikos ol i bai kisim taim.

Ol Komanda long Polis na Ami i wok wantaim long dispela taim na bai ol i putim was long olgeta gavman bilding na ol propeti long lukim olsem ol i stap orait.

Ol manmeri long siti i mas harim tok na stap longwe long palamen eria long taim ol memba bilong Palamen i bung.

PINIS.