Nesenel kot i tok nogat gen long beil aplikesen bilong bisnisman, Levi Wartovo husat ol i holim em long karim drag nogut, methamphetamine.

NESENEL Kot long Lae i tok nogat gen long beil eplikesen bilong bisnisman, Levi Wartovo.

Ol polis long Lae i bin sasim Wartovo na 6-pela arapela man long karim drag nogut ol i kolim methamphetamine.

Dispela bai namba tu taim long Nesenel Kot i tok nogat long beil aplikesen bilong Mista Wartovo.

Loya bilong Mista Wartovo, Moses Murray i bin putim aplikesen bilong em long Jas Lawrence Kangwia long Fraide 12 Me.

Mista Wartovo i bin aplai long beil long Mas 31 long namba wan taim. Em i bin tok helt bilong em i no gutpela, na em i wari long bisnis bilong em na sindaun bilong famili bilong em.

PINIS.