Ol bilip manmri bilong Katolik sios i tingim Blese Peter ToRot long pestode bilong em long Julai 7, 2022.

Ol bilip manmeri bilong Katolik sios i tingim Blesed Peter ToRot.

OL Katolik bilipman na meri long Papua Niugini i bin amamasim pestode bilong Blesed Peter ToRot, martir bilong sios, long Fonde 7 Julai.

Peter ToRot i bilong ples Rakunai long Is Nu Briten Provins. Em i marit man na i mekim wok bilong katekis long ples bilong em.

Long taim bilong Wol Woa 2, ol soldia bilong Japan i bin kalabusim na kilim em bikos em i bin mekim yet wok bilong autim tok bilong God na givim sakramen i go long ol pipel.

Pop John Paul 2, i bin givim luksave bilong sios long kolim em Blesed, long 17 Janueri 1995.

Ol katekis long ol peris long PNG i save go pas long lotu long makim pestode bilong Blesed Peter ToRot.

Poto i soim Lucia Tomdia, katekis bilong St Peter Chanel Peris, Erima, i karim stesu bilong Blesed Peter ToRot long prosesio bilong lotu i makim dispela spesel pestode bilong ol Katolik long PNG.