United Nations Residen Kodineta, Dirk Wagener i tok amamas long Atonomus Bogenvil Gavman (ABG) na gavman bilong Papua Niugini long kamapim namba wan Sosio-ikonomik  beslain ripot long lukluk long grin ikonomi opotuniti long kamapim sastenebol divelopmen.

UPNG Sumatin Martha Mora Bokowi i raitim

Mista Wagener i tok i gat sampela gutpela infomesen i kam aut long dispela beslain sevei long divelopim ikonomi bilong Bogenvil. Na tu long tingim ol isu we Konny Samuel Seketeri bilong Nesenel Planing na Monitaring Dipatmen i tokaut long en long strongim gutpela wokbung namel long tupela gavman. Dispela ripot i karamapim 13 distrik na 441 wod long Bogenvil.

Ripot i soim ol rot bilong yusim ol risos na i no bagarapim ol  envairomen bilong ol. Mista Wagener i tok long kain taim bilong klaimet senis ol infomesen i kam aut long sevei na i stap long ripot bai soim ol rot long lukluk long grin ikonomi.

Tupela gavman na ol investa, divelopmen patna, sivil sosaeti, na praivet sekta i ken yusim dispela ripot long kamapim grin ikonomik divelopmen.