Is Nu Briten Provins i statim Saplamentri Imunaisesen Ektiviti (SIA) bilong en long Rabaul Provinsal Haus Sik long Mande, 15 Me, 2023.

IS Nu Briten Provins i statim Saplamentri Imunaisesen Ektiviti (SIA) bilong en long Rabaul Provinsal Hospital long Mande.

Dispela program bilong givim banis sut bilong sik measles, rubella na polio bai i go inap tripela wik. Bai ol i givim tu ol Vaitamin A nutrisinel saplamen long ol pikinini krismas bilong ol i 5-pela yia na i go daun.

Gavana Michael Marum, Ekting Provinsal Edministreta Levi Mano, Rabaul Distrik Edministreta Benedict Mode, Rabaul Provinsal Hospital Menesa Dr Osiat Baining, Deputi Sif Peditrisen Dr Beryl Vetuna na ol arapela sinia opisa bilong haus sik i bin witnesim dispela seremoni.

Mak bilong imunaisesen bilong ol banis sut long Is Nu Briten i stap long 60 pesen, na nesenel taget em i 80 pesen.

Olgeta ol lida husat i bin toktok long dispela seremoni i tok olgeta lain i mas wokbung long winim mak bilong imunaisesen long provins na protektim laip bilong ol pikinini.

Ekting Edministreta Mista Levi Mano i tok helt em i bisnis bilong olgeta manmeri na ol i mas wok olsem wanpela tim. Em i singaut long olgeta papamama long karim pikinini i go long helt senta i stap klostu long ol na kisim ol dispela banis sut.

PINIS.