Hai Komisina bilong Briten i bin go raun na lukim ol masin na samting ol i bin givim long Goroka haus sik long helpim wok bilong ol long hap.

Sape Metta i raitim

BRITIS Hai Komisina, Keith Scott i bin go lukluk raun long ol wokmanmeri na ol maikroskop masin na ol arapela ikwipmen em ol i save yusim long medikel laboratori long Goroka Provinsel haus sik long Isten Hailans.

British Framing Fund i givim dispela ol masin long karimaut wok bilong lukluk na glasim ol blut bilong ol siklain long provins.

Mista Scott i tok amamas olsem wok i go het gut na em i luksave olsem planti gutpela risal i kamap long sait bilong laboratori long haus sik.

“Mi gat bikpela amamas long luksave olsem wok bilong lab i go het gut wantaim yupela ol wokmanmeri na tu dispela ol masin we yupela i wok long mekim wok long en, na kamapim ol gutpela risal.

“Em i wok long kamapim gutpela kaikai long givim sevis i go bek long ol sikmanmeri na pikinini,” Mista Scott i tok.

PINIS.