MOA long 74, 000 Gret 10 sumatin insait Papua Niugini i statim ekam bilong ol long Mande 11 Oktoba 2021.

Dispela Gret 10 Nesenel Eksam bai ron long wanpela wik. Long wik i kam bai lukim moa long 32, 000 Gret 12 sumatin insait long kantri bai sindaun long eksam na bai bhainim wantaim Gret 8 Eksam long las wik bilong Oktoba. Long Mande 11 Oktoba, 2021 ol Gret 10 i statim Eksam bilong ol isi tasol na i nogat disteb. Olgeta sumatin statim ol eksam bilong ol wantaim Matematiks na Pesenol Divelopmen sabjek. Long Tunde, ol sumatin bai sindaun long Sosel Saiens na Ats Eksam. Dispela Eksam bilong saiens na teknoligi sabjek (Prektikol Skils, Hom Ekonomiks, Disain na Teknoligi na Komyuta) bai kamap long Trinde. Bihain long dispela bai Bisnis Stadis na Egrikalsa eksam long Fonde. Eksam bai pinis long Fraide wantaim Inglis sabjek. Long wankain taim, Edukesen Dipatmen tru long Mesamen Sevisis Divisen (MSD) i givim aut  ol Gret 8, 10 na 12 Eksam metiriel i go long ol Provins long taim ol makim lo en. E d u k e s e n Dipatmen i givim tok lukaut long ol sumatin, ol tisa na ol skul edministresen long no ken sit insait long nesenel eksam. Penalti bilong sit o helpim long sit insait long Nesenel Eksam em NON – S E T I F I K E S E N  bilong ol sumatin na TEMINESEN long TISING bilong ol Tisa. Nogat Tisa i gat tok orait long lukim ol Eksam Pepa long taim bilong eksam.