ST JOHN Bosco Dagua Sekenderi Skul long Is Sepik Provins i bin selebretiim narapela mailston wantaim nupela klasrum na haus bilong ol tisa long las wik.

Dispela Katolik skul i laki long lukim Bisop bilong Wewak Reveren Jozef Roszynski, SVD, husat i bin kamap long opim na lukim dispela spesel seremoni bilong skul. Prinsipal bilong Dagua sekenderi skul Mista Gordon Kaitap i tok dispela nupela haus bilong tisa i bin kamap aninit long TFF mani bilong skul mak K60, 000 na nupela klasrum bilding em namba wan han mak bilding ol Nesenel Gavman PIP edukesen sapot program mak bilong K250,000.

“Mipela i amamas olsem dispela seremoni i kamap long rait taim taim ESP Gavana em rolim aut Kacifik Satellite program long Sepik hai sekenderi,” Kaitap i tok.

Ol St John Bosco SS bai lukim namba tri gret 12 greduesen dispela yia bihain long statim misin wok na gro long strong olgeta taim. Dispela sekenderi skul em stap long wes kos bilong Wewak taun go olsem long Aitape. Ol rejista aninit long Nesenel Edukesen Sistem na enrolim man na meri sumatin long gret 9 i go gret 12. Nau ol i gat tripela gret 9 na 10 na tupela gret 11 na 12 klas. Ol sumatin populesen em mak olsem 400. Tupela meja strim ol i save kisim long apa sekenderi em Saiens na Humaniiti.

Cyril Gare i raitim