NESENEL Gavman i putim K100 milien long divelopim Pacific Marine Industries Zone (PMIZ) long Madang na Manus. Dispela projek bai stat long dispela yia.

Praim Minista James Marapela i tokaut long dispela long Nu Yia toktok bilong em las wik. Em i tok PNG i mas stat long prosesim ol pis i kam long solwara bilong kantri na kamapim moa mani long dispela rot. Praim Minista i tok tu olsem bai i gat daun strim prosesing i kamap long ol arapela sekta olsem maining, petroleum, forestri na egrikalsa. Em i tok dispela rot bai givim wok long moa pipel na bai kamapim moa mani long ikonomi bilong kantri. Em i tok daun strim prosesing long egrikalsa em i impoten bikos PNG i ken groim rais na lukautim ol bulmakau na ol arapela samting yumi yet i ken groim na yumi prosesim na salim. Mista Marape i tok astingting bilong daun strim prosesing i bin stap pinis long taim em i kamapim gavman na em bai strongim nau long 2022 na long ol yia i kam bihain.

Anna Solomon i raitim