BANZ maket em i no longwe tasol wok bilong karim kopi i go salim long dispela maket long Not Waghi long Jiwaka Provins em i no save isi.

Ol fama long Jimi Distrik i save hatwok tru long stretim rot olgeta taim ol i karim kopi bek i go long maket. Jimi Distrik em i wanpela rimot ples tasol graun bilong em i ris tru na kopi i save gro gut tru. Ol i save planim ol arapela samting tu olsem taro, pinat, banana na vanila

tasol hevi bilong rot i bagarap i save mekim hat long ol i karim ol samting i go long maket. Nau ol 29 Wod Memba long Midel na Lowa Jimi i tokaut long kros bilong ol long lokal MP na Minista bilong Komyuniti Divelopm Wake Goi long em i feilim ol na i no apgredim rot bilong ol stat long 2018 yet i kam. Ol i tok memba Goi i bin promis long stretim rot tasol em i no mekim. Ol I singaut nau long Mista Goi long em I mas hariap na stretim dispela rot bilong ol.

Junior Kaulo i raitim