BOGENVIL i gat bikpela sans long kamap strongpela lokal  ikonomi we bai kisim luksave long nesenel na intenesenel level.

ABG Minista bilong Komes, Tred na Indastri i mekim dispela tok long taim em i toktok long Tred na Invesmen long Bogenvil long wanpela Palamen sesin las wik. Minista Nisira i tokaut olsem Bogenvil i redi na op long mekim bisnis.

Taim em i mekim dispela tok, em i tokaut tu long proses na lo bilong bihainim sapos ol investa i gat laik long inves long Bogenvil. Long inves long Bogenvil, yu mas lukim atorais bodi we i lukautim dispela sekta. Em Bogenvil Inwod Invesmen Bod. Ol dispela lain bai givim aplikesen bilong foren invesmen long Bogenvil.