DIJITAL Stretajik Bisnis Unit (SBU) i bin holim wanpela woksap long lukluk bek long wok bilong ol we i bin kamap bihain long establismen bilong SBU long 2019.

Astingting bilong SBU em long kamapim na karimaut ol wok yusim dijital strateji bilong BSP Fainensal Grup Limited. Namel long tupela yia, Dijital SBU i gro na kamapim PNG tim long

kamap ol Bisnis Analisis, Projek Menesmen, Data na Maket, Dijital Akiteksa, Konten Menesmen, Edvokesi na Program divelopa wokmanmeri. “Dijital SBU i mekim gutpela wok we i helpim planti manmeri. i givim ol nupela na isi rot bilong eksesim sevis. Olsem hap bilong tim i save wok hat long bringim gutpela kastoma sevis mi amamas na kisim strong long go hetim wok bilong impruvim mi yet na wok bilong mi long wok eria bilong mi,” Senia Sapot Teknisen, Dorcas Jicki i tok. Woksap i bin kamap long Julai long EmStret e-space bilong lukluk bek long ol wok i bin kamap long 6-pela mun i go pinis. Bilong luksave long hau wok i kamap, selebretim ol gutpela wok i bin kamap, ol salens na ol sans i stap. “Mi amamas long wok bilong mi. Mi wok long stat bilong projek i kam inap nau. Mi lainim samting na kisim moa save taim mi wok wantaim

ol wanwok. Dispela i mekim mi amamas. Mi kirap olgeta moning na amamas long go long wok bikos mi save wok bilong mi bai bringim veliu i go long tim bilong SBU BSP tim na ol kastoma,” Dijital Akitek, John Ngabung i tok. Long taim bilong woksap, ol wokmanmeri i serim ol wok bilong ol na save ol i kisim. Timwok em wanpela bilong 7-pela BSP Veliu we olgeta wok manmeri i save sanap strong long en.

Carolyne Ketsimur i raitim