PLANTI ol lidameri long Hailans rijon i no wanbel long faivpla risev sit em nesenel gavman i toktok long en.

Ol i tok ol i laikim 22 tasol ol i no kisim sapot bilong nesenel palamen. Ol dispela meri i bin mekim dispela toktok long wanpela bung bilong ol las wik.

Nesenel jenerel ileksen bai kamap long Jun 2022. Na dispela bung bilong ol lidameri long Mt Hagen, em i bilong helpim ol meri long redi long dispela ileksen.

Emma Minimbi, husat i wanpela loya meri, i bin toktok long dispela bung. Em i bin toktok long lo na ol dispela risev sit bilong ol meri.

Ms Minimbi i tok long Hailans rijon, i gat salens yet long moa yangpela lidameri i mas go insait long politiks.