ILEKTORAL Komisina bilong Atonomus Gavman bilong Bogenvil, George Manu i tok ol wokredi bihainim taim bilong holim 2020 Jeneral ileksen long rijon i wok long gohet gut.

I gat sampela hevi long mani, poling skedul, ilektoral rol na printing na distribusen bilong ol balot pepa. Tasol Mista Manu i tok em i bilip olgeta samting bai orait.

Em i tok ileksen baset em 13.5 milien kina na PNG gavman i givim pinis K7.5 milien na ol bai nidim narapela 6 milien kina long dispela mani bilong karim aut dispela ileksen.

Mista Manu i tok tenkyu tu long gavman bilong Australia em i lukautim na baim printing bilong ol balot papa i go nau long Bogenvil. ABC News