Dia Edita,

Mi laik save sapos taim palamen i no bung, bai ol MP i kisim pe long wan wan potnait o nogat?

Mi lukim olsem ol dispela memba i no mekim wanpela wok na watpo bai kantri i wok long baim ol long stap nating.

Yes, ol minista bilong gavman i mekim bikpela wok. Tasol mi no klia long ol vais minista na ol arapela MP. Ol i stap long ilektoret na kamapim sampela gutpela projek wantaim ol DDA bilong ol o nogat?

Mi wanpela klina long opis na mi save kisim pe long taim mi go wok. Tasol kampani i save katim pe long taim mi no gat gutpela ekskius na mi no go wok.

Pius Kapen

Morata

NCD