Ol Spots Poto - Isu 2511

Details

Ol spots poto bilong dispela wik i lukim ragi yunion, volibol na soka.

 

William Kalai with Oceania Cup trophy. - A. Molen.

TROFI: Kepten bilong PNG Pukpuks, William Kalai i soim Oceania Cup trofi we ol i winim long laws wik Sande bihain long ol i winim Solomon Islands long namba tu gem bilong ol insait long dispela tonamen. PNG i bin winim tu namba wan gem bilong ol agensim Vanuatu long Trinde las wik long Mosbi. POTO: Andrew Molen/ Wantok.

 

Jeffery Robby of Weightlifting Federation taking notes at MiSO training. - A. Molen.

KISIM SKUL: Jeffrey Robbie bilong PNG Weightlifting Federesen i raitim sampela hap tok long buk bilong em long lukim bihain. Em i bin stap namel long ol sinia spots opisal na edministreta bilong PNG husat ol i mekim MiSO trening aninit long PNG Olympic Committee long Mosbi las wik Sarere. POTO: Andrew Molen/ Wantok.

 

Julius Sepa Jnr, Matala Libero grand final. - A. Molen.

SANAP REDI: Julius Sepa Jnr em libero bilong Matala taim ol i pilai insait long gren fainel bilong Fairfax volibol kompetisen long Mosbi long Oktoba 22, dispela yia. Julius i stap long Fairfax skwat bilong ol man we bai pilai long Nesenel Sempionsip long Mosbi dispela wiken. POTO: Andrew Molen/ Wantok.

 

NCD FC goalkeeper flies. NSL. - A. Molen.

KALAP: Goli bilong NCD Souths FC i save bal i abrusim gol pinis tasol em i lukluk yet inap bal i go ausait tru. Ol i bin pilai Hekari United FC long raun foa bilong NSL resis bilong ol man long Sauten konfederesen long Oktoba 22 long Mosbi. POTO: Andrew Molen/ Wantok.

 

Referee talking to Matala and Raukele women captains in grand final. - A. Molen.

MEKIM OLSEM: Refri bilong volbol i toktok long ol kepten bilong Matala na Raukele bipo long stat bilong gren fainel bilong ol meri long Fairfax volibol kompetisen long Mosbi long Oktoba 22, dispela yia. Ol pilaia bilong dispela kompetisen i gat skwat we bai salens long nesenel sempionsip long Mosbi dispela wiken. POTO: Andrew Molen/ Wantok.

 

NSL men's competition in POM. - A. Molen.

PUTIM LEK: Scott Henry bilong FC Genesis i traim long pasim birua bilong em bilong Gulf Komara FC, Nigel Dabinyaba long raun sikis NSL resis bilong ol man long Saunten Konfederesen long Mosbi. Genesis i win 1-0. POTO: PNGFA.

 

Vanuatu and Solomon Islands rugby captains in Oceania Cup game. - A. Molen.

SANAP REDI: Kepten bilong Vanuatu, Toara Ruben (lephan) na bilong Solomon Islands (Moses Moetai) i stap redi long kisim ol tim bilong ol i go insait long laspela salens bilong ol long Oceania kap resis. Tupela wantaim i bin lus long PNG las wik we i lukim PNG i kisim taitel olsem sempion. POTO: Andrew Molen/ Wantok.