LONG wankain taim tu Hela Wigmen na Waghi Tumbe resis wankain long daunim tupela yet tasol Wigmen mekim planti asua i no olsem strongpela tim.

JPG Waghi Tumbe tim i bin pulim ai bilong olgeta sapota long singaut na sapot bikos olgeta pilai wankain long brukim difens na ran long Wigmen. Namba 13 lok bilong Tumbe Supa Kokote i bin brukim difens long namba wan hap long helpim Valentine Wamdi long opim wantaim train a gutpela kik givim skoa 6-0. Na ol Wigmen i givim narapela sans penalti gol gen long Tumbe, we dispela i apim hap taim skoa 8-0. Long wankain taim referi i bin rausim 13 lok bilong Tumbe kam ausait long fil bihain long kamapim wanpela hevi namel long referi na lusim ol 12 pilaia tasol long salensim Wigmen. Wigmen i bin go daun wantaim planti lus bal na wankain asua

long olgeta pilaia. Nale i bin lusim bal bihain long gutpela takol bilong ol Tumbe bihain em Wemin wantaim wankain lus bal we i bin givim planti sans long Tumbe inap ful taim. Ol Tumbe winim Wigmen 18-14. Kosa bilong Wigmen Charlie Wabo i tok planti asua i kamap insait long fil bikos ol pilaia i no yusim het namel long fil na tupela hapbek i no pilaia pat bilong tupela na ogenaisim gem. Em i tok ol wok na trening long dispela ol samting planti taim tasol stap long wan wan pilaia taim ol pilai na no gat fulbek long las 20 minit tasol bai ol luk fowat long dispela wik bikos em bilong stap yet long fainel o lusim wantaim difending sempian taitel. “Mi wanbel long lukim ol pilaia bilong mi long dispela raun 11 gem namel long Wigmen bikos ol pilai strong long daunim difending sempian Wigmen na redi dispela long bungim ol gen,” Kosa bilong Tumbe Baundo Aba i tok.

Jacklyn Kimala i raitim