PAPUA Niugini Olimpik Komiti (PNGOC) bai selebretim 60 yia eniveseri bikos ogenaisesen i bin stat long 1961 na redi long opisal festival long dispela yia long de ol i makim pinis.

Opisal taim bilong bung ol i bin makim pinis bihain long Independens De Septemba 16 tasol nau yet PNGOC i wok long fokas moa long Tokyo 2020 Olimpik Gems. Ogenaisesen bin stat long 1961 na Sir John Dawanincura bin kamap wanpela opisa long 1984, 8 yia bihain long em i bin makim PNG olsem memba long Montreal 1976 Olimpik. Tude i gat 17 peminen wokman na meri long PNGOC. PNGOC i bin memba bilong Pasifik Gems Kaunsil na Commonwealth Games Federation

long 1962 na International Olympic Committee (IOC) long 1974. PNGOC Presiden Sir John Dawanincura i tok PNG mas amamas long ol wok bilong ogenaisesen i stap na mekim i kam inap sikispela ten yia nau. Sir John i tok sapos yumi lukluk go bek long histori bilong las 60 yia bai yumi amamas long planti ol samting bin kamap na amamas long selebretim dispela longpela rot PNGOC bin wokabaut i kam. Em i tok long dispela 60 yia membasip i gro long liklik namba bilong ol spot i go antap long 40 apiliet Nesenel Federesen tude. “Long dispela taim bai PNG i witnesim long 11 Olimpik Gems, 14 Commonwealth Games, 16 Pasifik Gems, 9 mini Pasifik Gems, 4 Yut Olimpik Gems na 4 Commonwealth Youth Games. “Bikos long ol dispela wok PNG

i bin i gat sans long hostim tripela Pasifik Gems na wanpela bilong ol em 2015 Gems long Pot Mosbi i bin kamap gut stret. “Hostim bilong ol dispela Gems i bin muvim kantri fowad long divelopmen na establismen bilong spot fesiliti na straksa bilong rijon,” em i tok. Narapela ki samting long opening bilong PNG Olimpik Haus long 2019. IOC Presiden Thomas Bach i bin kamap long dispela bung long dispela yia tasol. Sir John i tokaut tu long saining bilong MoU i bin kamap namel long PNGOC na PNG Spots Faundesen Mista Bach na pastaim Praim Minista Peter O’Neill i bin witnesim. I no long taim PNGOC i bin launsim nupela Stratejik Daireksen 2021-2024 na pefomens strateji kawa bilong Olimpik sekol bilong Paris 2024.

Joseph Dawai i raitim