Pot Mosbi Ragbi Lig i bin bingim bel isi na amamas wantaim long taim bilong gren fainel namel long man na meri tim wantaim long las wiken.

Dispela 9’s kompetisen i bin lukim Sinia na Junia Divisen wantaim resis long winim tropi bilong salens.

Long wankain taim tu ol mekim sampela seleksen bilong Konprens resis, PNG Gems na PNG Okids meri seleksen tu.

Planti samting i bin kamap long PRL 9’s inap gren fainel na Hohola tim i bin winim taitel bilong 9’s long sinia man divisen.

Ol meri i bin resis wantaim ol sampela olpela PNG Okids pilaia long strongim fitnes bilong ol long ragbi lig. Maski COVID-19 daunim trening level bilong ol tasol olgeta i kisim moa taim long pilai dispela 9’s na bringim bek talen bilong lig.

Operesen Menesa bilong PRL Mecke Maino i tok tenkyu long olgeta 9’s tim husat i go long rejista long tim bilong ol na pilai long dispela kompetisen na tu harim tok na bihainim COVID-19 Nupela Pasin.

Em i tok dispela ol liklik samting i save bringim planti bikpela samting long laip na tu i ken sapotim ol long bihain taim ragbi lig wok.

Em i tok tenkyu tu long ol sekyuriti long geit i save wokim gutpela wok na banisim ol tim.

Long nau olgeta tim i amamas long statim wankain gutpela sisen long neks yia gen wantaim nupela pasin na kompetisen.

Jacklyn Kimala i raitim