Mark Norris husat i bin statim Morata Lig long 1986 na i bin faunda bilong Megusa klap wanpela nem bilong Goroka we ol save kolim no gat mama na papa bilong ol.

Planti pilaia na ol prodak meit bilong Megusa klap i bin statim long 1996 long Kone Tigers fil.

Mi bin het kosa bilong Megusa klap bikos mi yet em faunda bilong klap na nau em taim bilong mi long bungim ol yangpela mangi long Morata komyuniti long ragbi lig laip.

Mark i save pilai ragbi kam inap em nau em lapun na lukautim Megusa klap bilong em long Morata.

Mark i tok long taim planti biknem pilaia i save kam aut long Megusa klap bilong Morata na tu no gat wanpela birua namel long ol klap tu.

Mark nau em draivim wanpela bas tasol em i no save lusting long Megusa klap bilong em olgeta taim bilong gem.

Sapos klap nidim sapot Mark i save sapotim klap wantaim liklik mani o givim liklik skul long ol yangpela pilaia long sait bilong ragbi lig.

Mark nau i save amamas long pilai ragbi yet taim em holim rabgi bal maski em lusim fom tasol ragbi skil em stap pinis long blat.

Mark nau i helpim Megusa klap bilong em long bildim gutpela rilesensip namel long ol olpela biknem pilaia wantaim ol yangpela mangi na save gut long histori bilong klap na gem tu long strongim dispela nem.

Jacklyn Kimala i raitim