MOA long 700 manmenri i rejista long atendim wanpela webina long Women in Rugby mun long Septemba.

Ol media na ol arapela manmeri i  tok amamas na seleberetim ol meri husat i save pilai ragbi na i amamas long pilai ol arapela gems tu. Dispela i kamap long soim rispek na soim sapot long ol pikinini meri husat i kam bihain na i gat tingting  long pilai ragbi long bihaintaim. Presiden bilong Oceania Rugby tim i amamas long lukim planti manmeri i soim sapot long ol meri bilong pilai. Mipela i save lukim ol Nesenal, na Provinsal yunien wantaim ol lokal na wan wan kosa i save selebretim Women in Rugby long ol wei bilong ol yet long Septemba. Namba bilong ol meri husat i gat amamas long pilai ragbi  na sapotim ol meri husat i laik pilai i wok long go bikpela. Long 2022 mipela i laikim i mas i gat rispek na ol hap bilong pilai i mas seif. Planti ektiviti i bin kamap long rijon long promotim Women in Rugby long Septemba. SEVEN handret manmeri i rejista long atendim wanpela webina na planti bilong ol i bilong Nauru, wanpela woksap i kamap long Samoa we ol UN women i go pas long en, na moa long 40 meri i go long Wol Ragbi Prinsipal na Lidasip Menesmen Rijinaol kos. Ol meri long Samoa, Solomon Island, American Samoa, PNG, Tuvalu, Fiji, Tonga, Kiribati na Cook Island i bin go long dispela bung. Meri husat i go pas ong Women Developmen long Samoa Tofilau Avii Faalupga i tok, Mi i amamas tru long lukim ol meri na ol pikinini meri i laik long plei rakbi na tu ol helpim long mekim ol arapela wok olsem kosa tu.” Dispela ol bung em i bilong helpim ol meri husat bai pilai na husat bai helpim long ol arapela samting tu.