NAOMI Osaka i bin brukim krai pastaim long statim namba wan nius konprens bilong em long toktok long midia long French Open.

Osaka i bin pilim krai bihain long ol i bin askim em long midia fomat na ol Cincinnati Masta bin kisim vidio bilong em. Dispela sta bilong Japan husat i gat 23 krismas i bin tokaut olsem em amamas long dispela sanap em bin kisim long Paris. “Dispela em samting we ol i mas nid long wokim,” em i tok. Long May French Open, foa taim Grand Slam wina Osaka i tok em bai no inap mekim nius konprens long protektim mentol helt bilong em. Em i bin pul aut na misim Wimbledon long malolo long tenis. Osaka i bin go bek long pilai Olimpik long Tokyo, we em bin kirapim paia long opim seremoni bihain long em bin lus long namba tri raun. Long konprens bilong Tunde olgeta samting i bin go orait stret, pastaim long Cincinnati Enquire columnist Paul Daugherty i bin askim olsem wanem em save balensim bikpela midia profail long i no toktok long ol. Osaka i bin laik tokaut klia long wanem samting em askim na tupela sait i bin isi senis pastaim long pilaia stat long krai taim ripota i bin askim em long tenis. Dispela konprens i bin stop long larim strongim em yet, na Osaka i bin bekim ol Inglis askim wantaim planti Japan tokples.