TUPELA taim Wol Sempian bilong para-etlit Olivia Breen i tok em bin belhat na les long toktok bihain long ol i bin tokim em long werim gutpela gem klos.

Breen i gat 24 krismas i tok opisal long English Sempiansip long Sande i bin tokaut long bel hevi bilong em.

Dispela sprinta na long jampa i toktok long stopim dispela hevi no ken kamap gen long narapela.

“Dispela i mekim mi belhat na em rong,” Breen i tok.

“Yu save ol bai no inap toktok long wanem samting mipela ken werim o no ken werim.”

Breen i bin winim wol sempiansip gol medol long T35-38 4x100m klas long 2015 na long 2017 long T38 longpela kalap na bin werim wankain stail bilong kompetisen stat long sponsa bilong em long olgeta wok bilong em.

“Mi bin stopim ol long nainpela yia, mi no bin gat hevi na mipela pilim orait long sindaun wantaim wanem ol samting mipela werim.

Breen husat i bin winim tu brons medol long London 2012 Paralympic, bin tokim program long hevi bin kamap bihain long em resis long kalap long Bedford.

“Mi pinisim kompetisen bilong mi na tok tenkyu long ol opisal long helpim na sapotim ol na ol dispela opisal bin kam na toktok long mi.”

“Em i tok mi ting wanem yu werim soim olsem yu mas baim ol spot klos’.