OL nesenel soka tim bilong Argentina i bin kisim Copa America fainel taitel long las Sarere nait bihain long ol bin daunim Brazil tim 1-0 long Rio de Janeiro na painim taitel long namba wan taim.

Dispela sempiansip gem bilong bikpela soka tonamen long South America i bin kam daun long wanpela poin win, we pilaia bilong Argentina Angel Di Maria i bin skoa long 22 minit taim.

Dispela win mak bilong Argentina em bikpela mailston bilong kepten Lionel Messi husat i gat 34 krismas na hatwok long winim intenesenel sempiansip wantaim hom tim bilong em.

“Dispela em bikpela samting na mi pilim amamas insait,” Messi i tok. “Mi bin tok planti taim tasol mi save olsem dispela bai kamap na i no gat gutpela taim. Dispela tim kisim ansa bilong ol,” em i tok.

Messi em wanpela bilong ol namba wan soka pilaia long wol, long winim planti taitel wantaim ol Spain klap tim Barcelona, tasol i no serim wankain amamas wantaim Argentina inap long Sarere nait.

“Wanpela samting long Messi histori, em no bin kisim Argentina go antap long het bilong maunten top, na long Wol Kap o Copa America, we nau em bikpela samting long laip bilong em olsem kepten long winim Copa Kap,” Sabastian Slazar i bin tokim NPR's Lulu Garcia-Navarro.

Messi na Argentina i bin lus tripela taim intenesenel sempiansip long lain stat long 2014 Wol Kap na lus gen long 2015 Wol Kap na 2016 Copa America fainel.

Brazil na Argentina olpela taim resis i bin kamap taim Messi soim dispela frensip wantaim ol Brazil tim, kepten na intenesenel soka Sta Neymar.

Ol Argentina tim i bin selebretim win bilong ol long Maracana Stedium long Sarere nait.

Ol ogenaisa na lokal atoriti i bin tok orait long liklik namba bilong ol sapota long daunim COVID-19 taim Brazil go het long wok. Long pinis bilong Jun kantri i bin ripotim keis bilong COVID-19.

Argentina tim i bin amamas wantaim olgeta sapota na pren long winim Copa America bihain long ol i bin wetim longpela taim inap 28 yia na ol kisim.