NAMBA wan tenis pilaia bilong Briten, Johanna Konta i bin aut long Wimbledon long stat bilong dispela tonamen bikos wanpela memba long tim bilong ol i bin test positive long COVID-19.

Konta husat i bin win namba 27 taim i bin aut bai i mas stap long aisolesen inap 10-pela de.

Dispela tenis pilaia i gat 30 krismas na ol i bin putim em inap long salensim Katerina Sinjakova bilong Czech long namba wan raun long Tunde.

“Mipela i gat bikpela tingting long lukim Johanna long hariap,” ripot i kam long Wimbledon i bin tok.

Grand Slam bai stat long All Inglan Klap long Mande kam bek gen bihain long ol i bin surukim long las yia bikos long COVID-19 pandemik.

Olgeta pilaia i mas stap long opisal hotel long Westminster na inap long bringim tripela pipel wantaim ol.

Konta i makim boipren bilong em, kosa bilong em Dan Smethurst na kosa Gill Myburgh wantaim long dispela taim bilong pilai.

Konta i stap klostu long hotel na bai orait long stap long haus long kwarentin.

Dispela wol namba 31 husat i bin winim namba wan WTA taitel long foapela yia long Nottingham tupela wik i go.

Konta i bin redi long Wimbledon resis we em i bin go long semi-fainel long 2017 na kwata fainel long tupela yia i go.

Konta em namba tu pilaia husat i bin widro long Sempiansip bikos long COVID-19.

Frederik Nielsen bilong Denmark husat i bin winim ol man dabol taitel wantaim Jonny Murray bilong Briten long 2012 i bin rul aut long Sande bihain long kosa bilong em i test COVID-19 positiv.