Sprinta etlit Shelley-Anne Fraser-Pryce bai resis long Olimpik 100m na 200m sprint bihain long atekim ol Jamaica long trael.

Dispela meri i bin ran hariap long sotpela taim 21.7 seken insait long 200m long Sande bihain long klokim 10.71 seken long 100m long Fraide.

Fraser- Pryce i gat 34 krismas husat i bin ran 10.63 seken insait long 100m tripela wik go, na i bin amamas gen long kam aninit long 22 seken.

“Mi no gat tupela tingting long mi yet bikos olgeta samting i go wantaim taim na positiv tingting pastaim,” em i tok.

Long man 200m olpela Commonwealth Sempian Rasheed Dwyer i bin kam namba wan pas long Yohan Blake na Tyquendo Tracey.

Rio gol medalis Omar McLeod i bin kam las insait long 110 hurdles bihain long hitim namba wan hurdle, dispela lus bai daunim em long Olimpik spot.

Ronald Levy i bin win long 13.10 na Damion Thomas na Hansle Parchement i bin kam namba tu na namba tri long kwalifai long Tokyo.

Megan Tapper i bin winim ol meri 100m hurdles long 12.68 seken, taim Stephenie-Anne McPherson i bin painim spot long namba tri strait Olimpik taim em bin klok long 49.60 seken insait long 400m.

Candice McLeod na Ronejisha McGregogr i bin rekotim laip taim bilong 49.91 na 50.02 seken insait long 400m long lukim Tokyo, taim Sean Bailey, Christopher Taylor na Karayme Bartley kwalifai long ol man resis.

Long fil resis bilong 2017 Wol Sempiansip brons medalis O’Dayne Richard i bin win sotpela bihain long tromoi 20.47m.