DISPLEA 2021 Super W ragbi yunion sisen bilong ol meri, bai kik ov long Sarere wantaim mauswara resis namel long Reds na Waratahs long Brisbane, Australia.

NSW i bin winim olgeta tripela Super W kompetisen na ol i laik statim dispela sisen wantaim dispela pawa aninit long lidasip bilong kepten, Grace Hamilton.

Long namba tu gem long Sarere, ol Brumbies holim ol Rebels long Queanbeyan pastaim long kompetisen i muv i go long Coffs Habour wantaim resis namel long Fos na ol Presiden XV long Fonde.

Reds bai pilai egensim ol Waratahs long Sarere  apinun long Brisbane.

Nupela pes bilong ol Reds bai lukim 7-pela nupela pilaia long tim na Kwinslan bai painim spes bilong postim namba wan Super W win.

Sta pilai bilong Wallarroos, Cecilia Smith bai kam bek long senta. Em i bin kisim bagarap long skru na i no pilai las yia.

Smith bai patna wantaim Diaz Seumanutafa long midfil.

“Mipela i putim olgeta skwat wantaim long dispela mets i gat kain kain ekspriens pilaia wantaim ol nupela talen,” Reds kosa Rama Chand i tok.

“Ol pilaia husat i kam long pefom long klap ragbi o long AON Yunivesiti sevens siris, bai gat sans long soim talen bilong ol.

“Mipela i gat strongpela wok long dispela wiken long salensim ol ekspriens NSW sait, mi amamas long lukim ol yangpela pilaia bilong mipela i pilai long  dispela wiken.

“Long resis wantaim ol sempian long raun wan, bai givim strong long mipela taim mipela stap long Coffs Harbour.”

Kosa bilong Waratahs, Campbell Aitken i bin putim strongpela skwat we ol 6-pela pilaia na 8-pela Wallaroos i statim lainap.

“I gat planti yangpela talen long NSW na mipela i wet tasol long pilai dispela gem long Sarere,” Aitken i tok.