PRESIDEN bilong Singapore Halimah Yacob i bin tok em gat “bikpela rispek” long tenis sta pilaia, Naomi Osaka husat i bin pul aut long dispela Frence Open long hevi bilong mentol helt.

Presiden Halimah husat i save wokim awenes na toktok longpela taim long hevi bilong mentol helt long ol yangpela pipel, i tok olsem dispela disisen i mas hat long en taim Osaka.

Ol i bin sasim dispela Japan wol namba tu na foapela taim Grand Slam sempian, Naomi Osaka US$15,000 (S$19,800)long Me 30.Ol i bin pretim em wantaim diskwalifikesen bihain long em bin les long go long nius konfrens bihainim namba wan raun win bilong em. Bihain long dispela Osaka i tok em i no inap pilai long dispela tonamen.

Em i tok em bin hatwok stat long US Open long 2018, na i bin tokaut olsem em bin kisim taim long kamap wankain olsem ol arapela pilaia.

Ol Intenesenel Tenis Federesen i bin promis long holim riviu bilong ol pilaia na midia wok bung wantaim long taim bilong tonamen, Reuters i bin ripotim long Sande olsem Osaka kisim bikpela hevi long mentol helt

Osaka i bin mekim rait disisen, Presiden Halimah i tok. Em i tok dispela i bin salim strongpela sain” long planti milen pipel long wol husat i hatwok wantaim hevi bilong mentol helt.

Em i bin tok olsem planti pipel i wet longpela taim long protekim mental helt bilong ol, long famili bilong ol na planti i pretim bai ol bungim hevi bilong mentol helt.