DISPELA tripela taim Olimpik sempian swima Sun Yang keis bilong em bai kamap long neks wik, ol Kot bilong Abitresen long Spot i tok.

Dispela kot i redi long Me 25-27 bilong ol jas long harim long praivet vidio intanet. Namba wan kot harim bilong Sun em bin long Novemba 2019 i bin kisim wanpela de, na i bin go aut long midia na laip strim bihainim tok bilong loiya bilong em.

Nupela CAS disisen bai kamap pastaim long Tokyo Olimpik i stat long Julai 23.

Ol i bin rausim sta bilong Saina inap eitpela yia long brukim anti-doping rul na bin tanim bek long apil long Switzerland suprim kot las yia.

Ol Federel jas i bin tokaut long dispela rong disisen i no seif bikos dispela siaman bilong CAS grup bilong tripela jas, Franco Frattini, i bin painim aut olsem ol anti-Saina i bin wan sait long sosel midia toktok. Frattini em olpela foren minister bilong Italy gavman.

Ol tripela loiya bilong narapela ol pati na kot bai jasim dispela tripela taim trael keis bilong sempian swima Sun Yang.

Dispela apil keis i bin kam long World-Anti-Doping Agency long salensim kot rul long gavman bodi FINA bilong swim long stopim Sun long no ken mekim wankain pasin gen.

Dispela keis i bin feil long go kisim blut na pispis bilong Sun taim ol koleksen tim i bin go long haus bilong em long Saina long Septemba 2018.

Sun em Wol sempian long 400m fri stail na Olimpik hit bai stat long Julai 24. Em difending Olimpik sempian insait long 200m neks de.

Em bin kisim gol tu long 400m na 1500m long 2012 London Olimpik.