DAVID Mead i gat bikpela tingting long werim Kumuls jesi long dispela yia na laikim Coates, husat mama bin karim em  long Pot Mosbi bai mekim bikpela mani bihain long winim State of Origin las yia.

 “Mi laik em pilai long Kumuls tasol em stap long Orijon bikos em bin pilai las yia pinis olsem na mi no inap kirap no gut long lukim sapos Australia kisim em long tim.”

Mead i gat bikpela tingting long bung gen wantaim ol famili  bilong em long PNG bihain taim.

Em i bin go lukim Pot Mosbi long taim Kumuls i bin putim histori long winim Great Britain long 2019 na nau ol i no save wanem taim em bai kam bek long Kumuls o nogat.

 “Mi traim na kisim bek planti samting mi ken tasol wantaim dispela COVID-19 i mekim hat bikos sapos mi bai go long hap em bai mi stap tupela wik kwarentin na bihain long dispela em bai narapela tupela wik kwarentin gen taim mi kam bek long ples.

 “Mi mas wet na lukim inap ol samting i orait liklik tasol i mas hariap na mipela i ken lukim ol famili na pilai sampela futi nabaut.”

I gat nupela NRL sisen long joinim ol na no gat pinis bilong driman long apim dispela Provna-Summons Tropy.

 “Gol bilong mi bipo long pilai NRL em long pilai wanpela gem na i bin gro go long 50 gem na i go 100 gem olgeta,” Mead i tok.

 “Dispela em i go na go yet wantaim ol nupela gol tasol mi no bin kisim wanpela primiasip yet, olsem na mi laik long pilai yet inap mi ken kisim dispela ring long pinga bilong mi,” Mead i tok.