CENTER for Excellence in Financial Inclusion (CEFI) i bin holim namba wan introdaktri woksop bilong ol fainensel institiusen long Fraide 13 Novemba long Pot Mosbi.

Ol fainensel institiusen husat i bin kamap long dispela bung em Benk ov Saut Pasifik, Wespek, Mi Benk, Women’s Benk, People’s Benk, Kada Poroman Miro Benk, Nasfund Kontribiuta Sevings na Lons na Is Nu Briten Sevings na Lons.

Ol mausman bilong Prodaktiv Patnasip long Egrikalsa projek ( PPAP) na Wol Benk tu i bin stap long dispela woksop.

As bilong dispela woksop em bilong ol fainensel institiusen long wok wantaim CEFI long kamapim gut egrikalsa long ol fama bilong ples.

Ekseketiv Dairekta bilong CEFI Saliya Ranasinghe i bin tokim ol representetiv bilong 8-pela fainensel institiusen olsem CEFI i laikim strongpela na balens patnasip wantaim ol long kamapim gutpela maket bilong ol fama long PNG.

Mista Ranasinghe i askim ol dispela fainensel institiusen long serim tingting bilong ol na wokbung wantaim long kamapim gut egrikalsa lending bikos dispela projek bai helpim bek ol benk.

Carolyne Ketsimur i raitim