PANGU Pati tok ol i stap strong yet na ol tokwin olsem ol i bruk em i no tru.

Lina Keapu i raitim

PANGU Pati, longpela taim politikel pati long PNG i tok klia olsem ol Mem­ba bilong ol i no lusim pati o joinim ol narapela pati.

Lida bilong Pati na Praim Minista, James Marape i rabisim ol tokwin ol­sem PANGU Pati i bruk na ol memba i lusim pati.

Mista Marape i tok, PANGU Pati i stap yet na gavman tu i wok yet.

Em i tok, PANGU Pati i sanap long 5-pela mak, namba wan em long kamapim gutpela ikonomi, gutpela edukesen sistem, gutpela helt infras­traksa, gutpela rot, na stretim lo na oda.

Jeneral Seketeri bilong Pati, Morris Tovabae husat i stap wantaim Mista Marape i tok klia tu na i surukim toktok long ol manmeri husat i wok long tok­tok nabaut long sosel midia. Em i tok Pati i no bruk, ol memba – long pala­men na ausait i stap wantaim.

“Mipela stap strong wantaim ol ko­lisen patna bilong mipela na i no gat wanpela memba i lusim pati.

“Mipela i gat Nesenel Konvensen bilong pati bai kamap long 22 na 23 Oktoba long Morobe provins.

“Mipela i pinisim 8-pela yia bilong ol bung na ol ileksen bilong Pati, na tu mipela givim ol ripot i go pinis long Rejistra bilong Politikal Pati,” Mista Tovabae i tok.

Mista Tovabae i tok, ol i no gat hevi namel long pati na ol i wok wantaim long bung long Lae neks mun.

PINIS. //