Olgeta kalsa grup long ol distrik na provins insait long PNG i mas re­jista wantaim National Cul­tural Commission (NCC) sapos ol i laik kisim luksave bilong gavman. Ol bai stap tu long rekot bilong NCC.

NCC i laikim bai olgeta kalsa grup i rejista long go insait long ol rekot bilong ol na gavman.

OLGETA kalsa grup long ol distrik na provins i mas re­jista wantaim National Cul­tural Commission (NCC) sapos ol i laik kisim luksave bilong gavman.

Mista bilong Turism, Arts na Kalsa, Henry Leonard i bin mekim dispela singaut long Fraide 7 Julai long taim em i givim rejistresen setifiket i go long komiti bi­long Sepik River Crocodile and Arts Festival.

“Olgeta provins na distr­ik na ol ples i mas bung na rejista ol festival long Na­tional Cultural Commission. Sapos yu wanpela singsing grup o kalsa grup, yu mas rejista,” Mista Leonard i tok.

“Mipela i ken givim luk­save na sapotim ol kalsa grup na festival bilong ol.

“Yupela bihainim stret­pela rot na bai yupela i ken kisim mani na kontrolim na kisim moa benefit.

“Em i impoten long yumi wan wan i mas kam na re­jista ol kalsa grup o festival wantaim NCC na bai kisim moa helpim.”

Mista Henry i tok NCC tasol i wanpela gavman ejensi i lukautim wok bilong lukautim ol wok bilong kal­sa na pasin bilong PNG.

Em i tok long taim ol grup i rejista, bai ol i ken promo­tim ol kalsa grup na festival long ol turis i kam long kan­tri i ken lukim.

PINIS.