Suprim Kot long Waignai i tok nogat long 'Stay' aplikesen bilong Menesing Dairekta bilong Nesenel Hausing Kopresen (NHC), Henry Mokono long las wik Fraide.

Menesing Dairekta bilong Nesenel Hausing Kopresen (NHC), Henry Mokono.

WAIGANI Suprim Kot i tok nogat long Stay eplikesen bilong Menesing Dairekta bilong Nesenel Hausing Kopresen (NHC), Henry Mokono long las wik Fraide.

Jas bilong Suprim Kot, Jastis Derek Hartshorn i tok nogat long dispela eplikesen bilong stay oda bikos em i no luksave olsem Mista Mokono i gat gutpela as bilong tok long dispela askim bilong em. Loya bilong Mista Mokono, Wesley Bigi bilong Henao Lawyers i bin makim em long kot.

Jastis Hartshorn i luksave long arapela apil bilong Mista Mokono klostu bai kamap long Suprim Kot. Ol i no makim yet wanem taim dispela kot bai kamap.

Suprim Kot i sapotim ruling bilong Deputi Sif Jastis, Ambeng Kandakasi long NesenelKot long 28 Epril 2023.

Jastis Ambeng Kandakasi i painim olsem ol i no bin bihainim “stretpela proses” long makim Menesing Dairekta bilong NHC long 2021.

Dispela i min olsem olgeta samting i mas go bek long Bod bilong NHC, sapos i gat wanpela, long bung gen nau na statim gen apoinmen proses bilong menesing dairekta bilong NHC.

Mista Mokono i bin apil long Suprim Kot bihain long Ms Elizabeth Bowada i bin i kisim kot oda olsem em i kisim bek posisen bilong Menesing Dairekta bilong NHC.

PINIS.