Memba bilong Pomio Open, Elias Kapavore i lusim People’s National Congress (PNC) Party long Oposisen na i joinim PANGU Pati bilong Praim Minista James Marape long gavman sait dispela wik.

Memba bilong Pomio Open, Elias Kapavore.

MEMBA bilong Pomio Open, Elias Kapavore i lusim Oposisen na i joinim PANGU Pati bilong Praim Minista James Marape long dispela wik.

Mista Kapavore i bin memba bilong People’s National Congress (PNC) Party.

Mista Kapavore i tok em i bin laki long stap long PNC Party bihain long ileksen bilong em long 2015 bai ileksen bilong Pomio Open sit.

Em i tok tenkyu long lida bilong PNC Party, Peter O’Neil long lidasip bilong em na dispela sans em i givim long Mista Kapavore long bringim divelopmen i go long distrik bilong em long las 8-pela yia we i no bin gat divelopen i kamap long planti yia.

Mista Kapavore i tok em i no isi long mekim dispela disisen long lusim PNC.

Em i tok em i bin kisim invitesen long joinim Pangu bihain long 2022 nesenel ileksen tasol em i mas kisim edvais na sapot bilong ol DDA Bod memba pastaim long em i mekim dispela disisen bilong joinim Pangu.

Wanpela Pomio DDA Bod memba na Presiden bilong Melkoi LLG, Thomas Osa, i tok em i amamas siaman i mekim rait disisen na muv i go stap wantaim gavman. Em i tok distrik bilong ol i mas muv hariap tu.

Mista Osa i tok tenkyu long praim minister bipo Peter O’Neil bikos luksave bilong em i bin kamapim planti divelopmen long Pomio.

PINIS.