Ol polis opisa long Sentral provins i bisi tru long lukautim provins we ol i raun insait long ol rurel eria na rausim ol marawana o spak brus diwai. Long wankain taim ol i lukaut long ol arapela lo na oda hevi insait long provins.

Lina Keapu i raitim

SENTRAL Polis opisa husat i save raun long 4-pela haiwe long Sentral polis i no save kisim malolo tumas long wanem ol i gat bikpela eria long lukautim.

Ol opisa husat i wok long haiwe i save wok san na nait wantaim long lukim olsem lo na oda long povins em i orait.

Taim i gat hevi long wanem eria long nambis o maunten ol i go pinis long stretim hevi.

Long las wik yet i kam, ol i painim planti lain husat i wok long planim ol mariwana o spak brus, na bai go het long painim sampela hap ol spak brus i stap long en na rausim ol.

Dispela piksa em ol opisa husat i bin kisim wanpela toksave olsem ol lain i planim mariwana namel long kaikai gaden, na ol i go mekim wok painim aut na kam bek malolo i stap long ples Berere long Kairuku Distrik.

PINIS.