Praim Minista James Marape i laikim wanpela ripot long hevi biong jackson Ples balus long las wik taim ol polis i go long holim CEO, Rex Kiponge.

Lina Keapu i raitim

PRAIM Minista James Marape i laikim Nesenel Sekyuriti Edvaiseri Komiti long painim aut hevi we i kamap long Jacksons ples balus long Sarere moning, Novemba 12, las wik.

Mista Marape i mekim dispela toktok bihain long Jacksons ples balus i pas long Sarere moning taim Menesing Direkta bilong “National Airports Corporation (NAC) i tokim ol sekyuriti long pasim ol rot na teminel wantaim.

Em i tok, em i no amamas long pasin Mista Kiponge i mekim na i laikim bai ol Nesenel Sekyuriti Edvaiseri Komiti lukluk long dispela na arestim ol lain husat i stap insait long dispela.

“Mi laikim olsem bai ol i painim aut as bilong dispela hevi, na painim aut as bilong wanem bilong wanem na ples balus i bin pas, na arestim ol lain husat i mekim dispela?

“Ples balus em i no wanpela tasol na dispela man i mekim ol disisen.

“Dispela pasin em i soim olsem dispela man i nogat tingting long lo i na mekim olsem em i papa bilong dispela hap.

“Long sait bilong sekyuriti bilong kantri, no gat man i gat rait long stopim ol wok long ples balus, na stopim ran bilong ol balus tu, long wanem dispela em i olsem yu bagarapim wokabaut bilong ol manmeri,” Mista Marape i tok.

“Mi no laikim ol wokman bilong NAC, na olgeta wokman husat save sapotim wok bilong NAC long wok long noken kisim olsem hevi o rong bilong em.

“Ol ples balus na ol arapela gavman institusen i save helpim ikonomi bilong kantri.

“Dispela kain pasin i givim nem nogut long ol intenesenel komyuniti,” em i tok.

PINIS.