PRAIM Minista James Marape i go long Bangkok long Tunde Novemba 15 dispela wik long ‘APEC Econimic Leaders’ Week (AELW) long ‘Queen Sirikit National Convention Centre’ (QSNCC).

Lina Keapu i raitim

PRAIM Minista James Marape i go long Bangkok long China long Tunde Novemba 15 long dispela wik long ‘APEC Econimic Leaders’ Week (AELW) long ‘Queen Sirikit National Convention Centre’ (QSNCC).

Mista Marape i tok , dispela bung em ol i kolim long APEC2022 Thailand na lukluk bilong dispela bung i stap long ‘Open, Connect, Balance’.

“Dispela em mi yet wan long AELW bihain long 4pela yia we PNG i bin bungim ol wol lida long APEC2018.

“Ol lida bilong bikpela ikonomi kantri bai kamap long hap we sampela bai mi bungim ol.

“Bai mi bungim ol lida bilong China, Canada, South Korea na USA.

“Gutpela tru olsem PNG i stap namel long APEC grup,” Mista Marape i tok.

Mista Marape i tok tenkyu tu long ol kantri olsem Australia, Japan, China, USA, New Zealand, Korea na Indonesia long helpim bilong ol long taim bilong COVID-19.

Em i tenkyu tu long ol institusen olsem Wol benk, Intenesenel Monitari Fan(IMF) na Asia Divelopmen Benk (ADB) long helpim bilong ol taim PNG i kisim taim long ikonomi bilong kantri.

“Bung bilong namba‘ 29 bai kamap long Novemba 18 i go long 19.

Long dispela bung tu, bai gat tupela impoten bung we ol APEC bisnis lida na ol yut bai stap wantaim em long AELW wantaim ‘APEC CEO’ bung long Novemba 16 i go long Novemba 18 dispela wik.

PINIS.